影片
更多
2023-01-12
616 浏览
👨🏻🍳新派打卡粤菜🧞♂️-平时出街都比较少食中菜 不过见呢间系之前食过嘅姐妹店 仲有打卡同玩嘢menu 比起一般中菜多咗分玩味😚 由menu同装修到AR睇𩠌嘅示意图都知佢地好玩得😹-🦀甲罗烧虾多士 $128虾多士平时都有食 不过加埋甲罗烧都冇乜点见过 一上盘已经心心眼 因为总共有四大块 仲要好足虾肉 蟹膏蟹肉同蟹子都好足料😍 多士炸完唔会好油反而好松脆 加埋甲罗烧 海洋嘅鲜味喺口入面大爆发 占唔到都几夹😗-🐥葱蒜水晶鸡 半只 $148水晶鸡本身肉质整得已经好嫩滑 食落唔会鞋 加埋佢嘅葱蒜酱 香得嚟加咗有少少醋 酸酸地几开胃 送饭一流😍 仲要半只已经好大份 最啱一班人一齐share🥰 如果有1/4份㨂就更加好 可以就番2-3人份呀嘛🤣-🐟招牌焗鱼肠 $108呢个我哋见到好多枱都有叫 所以我哋都叫咗一个嚟食😂 佢其实系鱼肠肉碎同蒸蛋再焗 佢一上菜已经好正 最表面个层嘅蛋系焗到金黄色 形成咗脆脆嘅一层 而中间嘅蛋液仍然维持住少少流心嘅状态 再加上爽口嘅鱼肠 唔会太腥 层次感十足🥳-🍲蟹味银丝锅 $98出街食饭最钟意食啲煲仔嘅菜式 呢个银丝锅都落咗唔少蟹肉同芫茜 几香口😙 因为用咗煲仔上 佢
-
平时出街都比较少食中菜 不过见呢间系之前食过嘅姐妹店 仲有打卡同玩嘢menu 比起一般中菜多咗分玩味😚 由menu同装修到AR睇𩠌嘅示意图都知佢地好玩得😹
-
🦀甲罗烧虾多士 $128
虾多士平时都有食 不过加埋甲罗烧都冇乜点见过 一上盘已经心心眼 因为总共有四大块 仲要好足虾肉 蟹膏蟹肉同蟹子都好足料😍 多士炸完唔会好油反而好松脆 加埋甲罗烧 海洋嘅鲜味喺口入面大爆发 占唔到都几夹😗
-
🐥葱蒜水晶鸡 半只 $148
水晶鸡本身肉质整得已经好嫩滑 食落唔会鞋 加埋佢嘅葱蒜酱 香得嚟加咗有少少醋 酸酸地几开胃 送饭一流😍 仲要半只已经好大份 最啱一班人一齐share🥰 如果有1/4份㨂就更加好 可以就番2-3人份呀嘛🤣
-
🐟招牌焗鱼肠 $108
呢个我哋见到好多枱都有叫 所以我哋都叫咗一个嚟食😂 佢其实系鱼肠肉碎同蒸蛋再焗 佢一上菜已经好正 最表面个层嘅蛋系焗到金黄色 形成咗脆脆嘅一层 而中间嘅蛋液仍然维持住少少流心嘅状态 再加上爽口嘅鱼肠 唔会太腥 层次感十足🥳
-
🍲蟹味银丝锅 $98
出街食饭最钟意食啲煲仔嘅菜式 呢个银丝锅都落咗唔少蟹肉同芫茜 几香口😙 因为用咗煲仔上 佢仲做到粉丝少少烧焦变成脆脆嘅效果 钟意饭焦嘅朋友应该会好开心😍
-
🎃金汤海皇豆腐煲 $98
食咗咁多重口嘅菜式 要食番啲菜😂 金汤其实姐系南瓜 佢呢煲嘅调味会比较清新啲 突显返南瓜嘅甜品 再加上海鲜嘅鲜甜 配埋豆腐 又系一个送饭嘅菜色😗
-
🍧甜品
1️⃣杨枝甘露 $30
2️⃣椰汁椰果爆珠仙草 $28
杨枝甘露正常发挥 芒果肉都比得几足下 西米露都唔会煮到好淋 唔错😚 仙草配料好多款 有少少似台湾汤水铺嘅感觉 而且佢嘅感觉更加refreshing😘 整体甜品都唔错 值得叫嚟试下
-
📍 小神灯新派饭馆 (将军澳)
将军澳调景岭彩明街1号彩明商场2楼251-252号舖
张贴
