摩登堂 (荃灣廣場) (已結業)

平日收工好攰，唔想煮饭。于是嚟到荃湾广场觅食。见到依间餐厅好靓，系木系装修，门口又有个雪柜摆咗好靓嘅甜品，于是就入去试试。入咗即刻安排咗卡位，位置好阔落又有私隐，落地大玻璃窗显得餐厅更加大。睇睇Menu有咩好食，原来都可以QR code落单， Menu上面嘅食物好吸引，果然系摩登，好多唔少泰国fusion菜。商量完之后我哋嗌咗前菜，蟹肉鱼子酱脆筒沙律，烧珍宝手臂大头虾，沙嗲鸡肉串，和牛船面，仲嗌咗杯提子菠萝梳打水。餐厅好贴心，会写明边一样比较推介，啱晒我哋依啲有选择困难症嘅人。蟹肉鱼子酱脆筒沙律🥗成个造型好靓，咬落有啖啖蟹肉，脆筒脆卜卜，令人忍唔住食完一个再一个。烧珍宝手臂大头虾🦐呢个一定系去泰国必食㗎啦，所以嗌嚟试试，真系好大只虾，肉质爽滑，加埋啲虾膏一齐食好好味，仲有配埋一个泰式酱，将成只虾升华咗。沙嗲鸡肉串串烧类要一次嗌三串，咬落有一粒粒嘅花生酱，鸡肉都好嫩滑。和牛金边粉个和牛好有牛味，好嫩滑，加埋香浓嘅汤底，脆脆嘅猪皮，金边粉份量都几多下次会再嚟试吓佢个虹吸冬阴功，同埋佢哋嘅甜品