OH MY GOOSE! (已結業)

寻日晏昼经过朗豪坊，见到food court有间新既餐厅，个名叫做Oh my Goose，餐牌上有我至爱既叉蛋饭，咁就去食喇。咁我哋分别叫咗招牌菜黯然叉烧饭，卖相唔错，叉烧份量好多而且无筋，太阳蛋煮得恰到好处。另外仲叫咗个OMG 炒公仔面，首先个炒面嘅味道系甜甜辣辣，再加上鸭肉丝炒蛋碎，超级好食呀！之后仲叫咗一个好特别嘅创意菜式，就系手撕鸡葱油饭，平时两样𩠌分开食就试过，加埋都的确唔错。尤其鸡丝加上葱油同埋黑松露， 令到个味道更加突出。最后我哋仲叫咗一个小食XO酱炒肠粉，配上一碗细既叉烧饭。 肠粉唔会炒得太淋，配上XO酱好惹味。最后跟餐仲叫咗两杯冻柠茶都好好饮，埋单都系二百几蚊好抵食。