新泰東南亞餐廳 (已結業)

男朋友食过尖沙咀分店话好好食，所以是日放工后，我地去左湾仔分店去试。餐厅好大，枱与枱之间隔得好开，装修就非常有泰式风格。我地叫左冬荫海鲜金边粉同猪肉串烧拼糯米。冬荫海鲜金边粉好大碗，一个女仔肯定食唔晒，同人share就最岩。坊间有d冬荫公唔系偏酸就系偏辣，新泰就岩岩好，香味十足，极之开胃，连唔系好食得辣既我忍唔住系咁饮。海鲜丰富，有虾、鱿鱼、青口、蚬等。猪肉串烧拼糯米饭，串烧好好食，好似美珍香d 猪肉干，附送既汁就太辣，我点左一次就无再点。糯米饭略嫌太硬，唔够软糯，有改善既空间。总括黎讲，CP值极高！