Morokok (家樂坊)

营业中

休息中

餐厅位于旺角家乐坊，以摩洛哥风为主题，有劲多打卡位，好似去咗外国旅行咁，另外仲有个靓靓户外用餐位置，超级适合约朋友仔嚟倾偈Chill吓。而食物方面就主打多款经典嘅泰式料理，会话整体价格合理，地点方便，值得一试。最近新推泰式一人火锅，包含美国牛板腱、猪红、猪肉丸、花枝丸、娃娃菜、粟米、冬菇、南瓜，以及任选一款面同汤底。椰奶味香带微微酸甜，金边粉吸满汤汁，搭配多款新鲜配料都几满足，呢个价钱呢个质素出边快餐做唔到。招牌火山排骨有酒香气，排骨有成七大块，啖啖肉，食肉兽表示满足。另有铁板炸蚝饼，超级无敌大份，炸至金黄色、酥脆可口，皮薄唔油腻，蚝大粒饱满又唔腥，点埋酱汁可提鲜。最后以街头薄饼作结，香蕉够甜，搭配炼奶同榛子朱古力酱大人小朋友都啱食。