生生。泰港知味 (已結業)

表姊又约我食晚饭，今次话同我系湾仔食泰国野，佢实在太宠我了。明知我超喜爱泰菜，约系湾仔地铁站A3 出口等，原住湾仔玩具街一路直上系间酒店隔离，好有格调咁都唔似食泰菜咁，如果唔系当晚落雨朦查查从窗望出应该几有feel的。听开同店员讲佢地开左3个月到，怪之得餐厅内里装修好新！环境舒服！食物卖相靓味道仲好好，份量仲要好大碟，服务又细心。鱼露虾干炒椰菜苗 $88热辣辣还有香脆嘅虾干同炒椰菜苗，口感爽脆又咬口够惹味。半只海南鸡 $128鸡味浓，厨师起晒骨，食时啖啖肉又皮香又肉滑，平时唔食鸡皮嘅我都忍唔住，好入味真系值得推介。表姊话午餐黎食过，所以一定要带我黎食㖞，真系真材实料！沙嗲串烧 半打 $88鸡肉同猪肉各三，烧得焦黄少少浓边超香，肉够厚身食落唔干，鸡肉较嫩但我觉得猪肉更ya2嚼头，而且腌得好入味添，一定要醮埋个沙爹汁添！ 串烧风味！泰式虾肉炒金边粉 $108卖相💯 食落酸酸甜甜好醒胃，蛋网包著金边粉还有鸡肉，蛋，虾肉花生粒，青柠，足料和丰富口感，份量超大。人均约$206 已经大满足。下次要试佢地嘅两人餐先，发觉饱到连甜品也要忍口。