港嘢茶檔 (已結業)

今日同妈妈去行九龙城买材料煮冬荫公汤，既然今晚都有泰国嘢食，下午茶就食其他嘢喇，路过见依间茶记装修得咁怀旧，就一于试下。餐厅入面装修好有心思，挂咗好多五颜六色嘅旧式招牌。新派怀旧港式下午茶多士大大份，厚多士烘得香脆，滑蛋炒得够香够滑，沙爹牛肉沙爹味浓唔过咸，牛肉够嫩有牛味。头抽肠粉色水差少少，头抽味淡唔够味，肠粉口感烟韧煎得够香口，加埋芝麻、韮菜、芽菜一齐食好夹。