十十川滬料理 (已結業)

朗豪坊有间沪菜系food court 个边，今日叫左个晚市2人干锅套餐。可以简2款前菜，叫左酸辣小木耳同埋凉拌土豆丝。都几入味，同埋土豆丝都比较辣，几升胃。简左什锦小笼包，有4款，有原味，香辣，流沙同酸菜鱼味。都几特别。流沙个款入面好重蛋黄味，而且小笼包入面好多肉汁，咬一啖已经流晒出黎! 平时都好钟意食莴荀，就简左清炒莴荀丝，好爽脆，又唔油腻。重头戏系黑毛猪腩干锅，入面有薯条，莴荀，莲藕，水晶粉同埋炸既支竹。全部都好入味，黑毛猪腩系薄片，肥瘦均匀。水晶粉好有咬口。今次叫左小辣，觉得辣度岩岩好，干锅好岩配饭。野饮叫左青苹果梳打同埋芒果百香果梳打，好大杯，好抵饮。