百樂小館 (已結業)

同朋友去完惊安扫货之后，想揾个坐得舒服的地方食晚饭，朋友于是推介这间潮州菜馆，黎到餐厅门口，已经被门口一个大圆型鸟巢设计吸引著，装修非常有时代感，很有格调，环境舒适，坐位舒服，而且价钱亦唔贵，三五知己黎呢度食下饭倾下计，都系一个唔错既选择。一坐底，会先上功夫茶。杏汁白肺汤这个汤非常滋润，杏仁味非常浓郁，口感幼滑，猪肺厚身、弹牙，每一块都填满杏汁味。麻酱手撕鸡 (半只)麻酱香浓但不会觉得太腻，鸡肉嫩滑，连鸡胸肉都唔嚡。椒盐九肚鱼 (例)外层炸粉够薄，鱼肉鲜甜肥美，带有少少辣味，比平时食开的更惹味。糖醋伊面 (例)伊面炸到金黄色，外层炸到香脆，里面仲保留伊面的口感，可以加糖或加醋食都得，结果我两样都加左，味道酸酸甜甜，好开胃。