影片
更多
2017-09-14
2643 浏览
讲到潮洲野，梗系第一时间讲打冷啦，今日就同个朋友黎到旺角嘅心夜内潮，试下新派啲嘅潮洲菜。餐厅位于西洋菜街，如果有去过南记都会知道系边座大厦，不过未食先考考脚骨力，虽然只系2楼，不过对平时零运动嘅我黎讲，已经够我扯虾一段好长时间。餐厅位置唔算好多，四四方方，入座时刚好7点钟，客人已经半满，心里羡慕仲以为自己今日收7点已经算好早。不过估都唔估唔到，愈食一路愈多人，到埋单嘅时候已经全部满座，都几夸张，可能企企理理嘅潮汕菜馆唔多装潢都几有特色，木枱木櫈，枱面有埋纸巾、湿纸巾，方便客人。可能入座时未算好繁忙，店员都好细心快手帮我地加左水、然后落单未有发生之前食评所言嘅不礼貌对待，反而收银姐姐脸色有点不太好。餐牌供应砂锅粥、酱卤类、卜卜蚬煲、小炒、汤品、饭面等，我同朋友得两个人，实在唔系食到好多野，点在个粥都已经饱左7成，所以只系加左一碟菜同小食、炸鳗头，整体黎讲，味道都唔错，难怪平日都爆满砂锅粥 $180（鲜鱿鱼、花甲王、海虾）：呢度嘅砂锅粥弹性都几高，分大煲（$330起）同细煲($180起），各款配料自由配搭送粥底，价钱都好清晰。例如小膏蟹系$120/只、海虾$60/份、鲜鸡件$40/份、鲍鱼
装潢都几有特色，木枱木櫈，枱面有埋纸巾、湿纸巾，方便客人。可能入座时未算好繁忙，店员都好细心快手帮我地加左水、然后落单未有发生之前食评所言嘅不礼貌对待，反而收银姐姐脸色有点不太好。餐牌供应砂锅粥、酱卤类、卜卜蚬煲、小炒、汤品、饭面等，我同朋友得两个人，实在唔系食到好多野，点在个粥都已经饱左7成，所以只系加左一碟菜同小食、炸鳗头，整体黎讲，味道都唔错，难怪平日都爆满
砂锅粥 $180（鲜鱿鱼、花甲王、海虾）：
呢度嘅砂锅粥弹性都几高，分大煲（$330起）同细煲($180起），各款配料自由配搭送粥底，价钱都好清晰。例如小膏蟹系$120/只、海虾$60/份、鲜鸡件$40/份、鲍鱼$20/只等等，总之凑够$180就系一煲细粥。
咁我地拣左鲜鱿鱼、花甲王、海虾，各$60/份，送粥底，约莫都分到6碗，两个人够哂。砂锅粥即叫即做，虽然话就话需时30分钟，不过最终都系等左廿分钟左右，新鲜热辣煲起，附上芫茜、葱花。粥嘅份量ok，粥都煲得几软绵，同我喺国内食到嘅砂锅粥味道差不多，唔算好重味精感，个人就觉得略咸，朋友就话可以接受
海鲜都算几多，海虾size唔系话好大只，食落唔算话十分之爽口，但都冇霉；鲜鱿鱼煲粥都几鲜味；花甲都几大只，只有一两粒系未开
本来印象可好，不过食到最后一粒，居然有好大pat黑泥lol，朋友即时想呕…
猪油渣炒菜心：我地少食住家饭，所以出亲街食饭都要点个菜，菜心有少少老，不过都未至于有渣，猪油渣炒都几入味，而且都唔会话太油。
XO酱香煎鹤佬菜头丸：第一次食呢款菜，因为见个名几特别，朋友话想试下。味道中规中矩啦，佢话有啲似XO酱煎萝卜糕，都几香口。
黄金一口炸馒头：本来每人食完几碗粥，都已经好饱，不过见对面枱叫左碟炸馒头，我又觉得几吸引，所以先加单。
一份$38/9件，细细粒，附上炼奶，必点啦，外脆内软，好好味
饮品选择唔多，都系汽水王老吉椰子汁津路啤酒，不过我最钟意都系天地壹号。
张贴
