Shining Restaurant & Lounge (已結業)

呢到主打新興潮洲菜同埋酒吧既結合，都幾有趣，個場裝修同bar冇乜分別，但野食就係潮州菜為主！當中最岀色係套餐入面嘅花雕醉鴿。醉雞就食得多，醉鴿就未食過。食完好驚原來醉鴿好味過醉雞咁多，花雕好入味之與，鴿肉好滑、好嫩，非常推介，必叫之一。另外，我地都叫左比較signature 既菜色，係九品味，有9款小菜，芥未雞腳筋最特別，鮑魚佢仲會預先切好，好貼心。蔥油雞原來係咁大份架！隻雞好滑！蔥油好香，一啖雞肉再配埋d蔥，好香口！用黎送飯既話應該會停唔到口！招牌白滷水海鮮拼盤既海鮮全部都好新鮮，再點埋個偏泰式既甜酸醬都好好食！