潮潮居

营业中

休息中

朋友住喺黄埔，今日就去咗黄埔船二楼食潮州菜。餐厅属于新派嘅潮州菜，仲有海鲜蒸鱼，指定日子半价菜式及特价套餐。每一台都必叫卤水五彩拼盘，有腩肉，大肠，墨鱼，海蜇及鹅片。鹅片及腩肉卤水都好入味，好香浓有肉香，唔会死咸。大肠处理特别干净，而且够入味。墨鱼最紧要够弹牙。另外加多一份鹅肝，入口绵滑，味道鲜明，脂肪感十足。豉汁梅子蒸蟠龙鳝，原条上枱，豉汁加上梅子好开胃，非常之解腻，鳝肉没有泥味，又够肥美。砂锅普宁豆酱鸡，味道劲香浓，仲有啲马蹄及肥肉一齐炆，鸡肉入晒味，非常好送饭。沙茶牛肉芥兰，芥兰清甜冇渣，加上沙茶牛肉特别惹味。鱼蛋鱼鳔熬绍菜，鱼蛋香浓鱼味，鱼鳔少少爽身，加上绍菜，个上汤非常清甜好味。