砂煲兄弟 (悅來坊) (已結業)

今日又去到荃湾行，走左熊猫酒店揾食，今次就入左去砂煲兄弟试下佢个煲仔饭。其实都经过过好多次，不过次次都食饱左先过熊猫行，就睇下佢个煲仔饭有几得先。餐牌有几十种煲仔饭，但午餐就只有三种煲仔饭选择(希望午餐会经常转款)，好彩有我最钟意食牛肉同鸡蛋，温泉蛋牛肉煲仔饭$55，及焗芝士黑椒猪扒饭$48。原来佢地不是用明火煲，用电炉，餐牌说都会有饭焦，比较特别就系温泉蛋，最近入冬，食煲仔饭真系暖在心头。同明火既煲仔饭比，饭焦算是没有，对我黎讲，我就系为左佢既饭焦，吃煲仔饭既。下次我试下叫他们多饭焦。焗芝士黑椒猪扒饭，都有惊喜，个锅黎到热辣辣，见到已经想大口大口吃。猪扒够淋，不过比起煲仔饭，份量就细一点。价钱方面，午餐就抵食一点，单点就贵一点，整体黎讲都值得再帮亲的。