慈素小聚

营业中

休息中

同朋友去咗呢间新派素食，地点好方便，好喜欢的Tiffany blue 颜色，大玻璃窗采光够，环境同座位都好舒服。呢度食物系即叫即做所以要啲时间，食物质素好满意有惊喜，推荐就算唔系食素嘅都要来试吓。🔶 素食三文鱼拼盘摆盘靓打卡必叫，上枱时喷烟好有气势，用蒟蒻做嘅素三文鱼口感做得几好，点埋芥末豉油真系觉得自己食紧刺身咁好有惊喜。🔶四川担担面调味带小小辣味，汤头相对比较清，担担面嘅质地几好，我哋放耐左先食都唔会淋晒。🔶鲜竹蒸牛肉球🔶烧卖两款点心卖相都好靓，食落口感真系几似，仲会配埋喼汁、辣椒豉油，味道都唔错。🔶京都片皮鸭饼皮热辣辣软熟，配料酱汁都做到好足，素片皮鸭口感有咬口，包埋饼皮配料一齐食。🔶椒盐白灵芝菇呢个炸到好香口，再加上椒盐调味，食一啖后就会不停想继续食😂🔶桂圆南枣茶滋润养生我哋女士们必点，甜甜地食完之后饮啖呢个茶好舒服。