川．粵居 (已結業)

同屋企人揸车去饮茶，今次拣左高埔村，贪𠮶度免费泊车😝 呢间川粤居主打新派粤菜，点心造型又可爱😍 装修几好，光猛新净，圆拱卡位适合大班人坐。服务殷勤，有问必答，上菜速度都算快。天鹅紫霞雀笼点心鸟笼造型好吸睛，一上台小朋友已好兴奋。天鹅🦢系炸得酥脆嘅芋角；中层紫霞系奶皇紫薯煎堆，脆口又有奶皇香，用干草垫底望落似鸟蛋 🐣；下层麻雀千层糕🀄️ 面头个发字够盏鬼，仲有烧卖、虾饺各2件，鲜虾弹牙，味道唔错啊。杂菌煎米粉饼米粉煎得香口唔油腻，入口唔松散，配上罗汉上素嘅茨汁，人多不妨试下呢个主食。红菜头野菌饺粉皮透薄，入面系爽口清甜菜蔬，感觉清新。斋肠同鲜虾肠都系工整上枱，软糯又滑口，小朋友饮茶必点。仲有凤爪同马拉糕，一家大细饮茶真系最舒服😌全4星🌟