禮記 (已結業)

之前中午黎食过点心觉得唔错，一直都想试埋晚饭，今日咁岩黎开将军澳，终于有机会试下。玫瑰荔枝茶 淡淡玫瑰花香配上荔枝茶味，好清香，唔会太浓，夜晚饮都唔怕训唔著觉。茅台酱香醉猪手 $108猪手有淡淡酒香味，唔会太浓，好清香，食落口感爽口，而且有丰富骨胶原，滋补养颜！川味烩鱼肚 $198依款系厨师推介既新菜式，餐牌上都未有。鱼肚份量都几多，而且都大只厚身，食落黏口，有丰富胶质，味道唔系好辣，但有少少麻，好惹味，用黎送饭一流！瑶柱鱼滑上汤浸时蔬娃娃菜 $138鲮鱼滑爽口弹牙，而且仲有姜丝、瑶柱，食落唔会腥而且仲好鲜味，娃娃菜吸收晒鱼汤既精华，好鲜甜，而且鱼汤用石锅上，可以保持鱼汤温度，饮落口都仲系热辣辣，最岩冬天食！