六小館

从东荟城2期开了之后，开咗好多唔同嘅嘢食，就算喺度行完都可以有多啲选择拣下食边间，多元化左，搭完360之后，我哋一家人就去揾中菜食，见到呢度装修好舒服，好新派，座位又阔，亦都有啲四川嘢食，不过今次我哋叫返一啲传统小小嘅嘅菜式：水晶虾饺： 热辣辣咁，入边好大只虾，好新鲜，个皮唔会一夹就散，个皮都弹牙，入边嘅肉汁都锁住咗，食落去好鲜味。虾籽鲜虾烧卖：好足料嘅烧卖，上面有啲虾籽，猪肉唔会太肥，调味适中。鲜虾炒新竹米粉：估唔到炒得好干身，其实炒米粉系好考技巧，佢做到唔会油冧冧，每条分明，另外鲜虾大大只。瑶柱肉碎浸菜苗：简简单单嘅一个上汤浸菜，入边夹杂瑶柱，肉碎，用时令嘅菜，配上上汤，清清地几好。