六和素食 (已結業)

自从有一次打完波，其中一位主张green monday既同事带我去过六和之后，自此就爱上呢度既新派素食。有别传统素菜，新派素食无咁油之余，亦都加入日式、台式元素。对喜欢食日本野既我黎讲系相当吸引软壳蟹卷和另一款芝士吉列猪扒卷，个人比较喜欢软壳蟹卷。炸得十分香脆之余，竟然仲有软壳蟹既蟹味，实在神奇~~~台式烧肉刹包好精致，酱汁几香，而入面既烧肉都入味，唔错唔错... 每次黎都必叫，焗素猪扒饭个名看似普通，但能将素食做到同真既焗猪扒饭一样味道同口感，我同朋友都啧啧称奇经理推荐我地食呢个雪映金牡丹，其实是南瓜炖雪耳。食过数次六和，最唔抵食就系呢个菜式，无记错价值$27x，但味道唔系甜，又不是咸，都唔知当主菜定甜品食好，不值呢个价钱。