茶東西

营业中

休息中

炮台山地铁站附近有间茶餐厅，除咗一般嘅铁板、意粉饭、沙嗲牛之外，竟然仲有咖喱滑蛋盖饭、火山石锅乌冬、锅烧饭等Cafe先有嘅菜式供应。店内环境唔大，座位之间有适当距离，墙上有可爱卡通，装潢行简约风，经过肚饿可以试。前菜有风干火腿鲜果同胡麻酱软壳蟹沙律，估唔到有成一整碗，份量惊人，适合多人分享，蔬菜新鲜、五颜六色、水果够甜、软壳蟹炸至酥脆，食落好开胃。主食有寿喜烧牛板腱同泡菜黑毛豚肉锅，满满蔬菜，牛肉嫩滑，猪味突出，配饭/面再点埋兰王蛋，冬天食暖笠笠。小食方面都有好多选择，全部都会自动搭配沙律菜，帮助解腻。私心推介蜜糖芥末韩式炸鸡，两大块，炸至金黄酥脆，嫩滑多汁，十分滋味。鹿儿岛豚肉饺子有六小粒，带点咬口，外层够薄而且唔油腻。柚子蜜糖鸡中翼甜甜哋，唐扬鱿鱼酥比较少见，大件夹抵食，整体性价比高。