木玥巷

营业中

休息中

想试呢间好耐，但系周末系一定要排队嘅，今次平日夜晚黎竟然唔洗排，即刻有得入。一坐低就有一个小食琥珀合桃，啲合桃粒粒分明，每粒都沾满糖又够脆。主食我就叫左招牌红烧牛肉面，男友就拣左安格斯卤肉饭。个牛肉面汤底好唔错👍🏻，好似平时饮嘅老火汤，啲配料全部都好入味，牛肉都好淋。面头有一串炸豆干，店员上菜嘅时候有提醒浸落汤度会好食啲，果然系唔错，浸完汤之后好似打边炉嘅响铃，仲系脆脆地又索左啲汤。个面底我同男友都钟意，唔会太淋，有少少粗粗地。然后到卤肉饭，食落嘅味同台式个啲好唔同，有啲似日本嘅牛肉饭，但系加埋蛋汁系好食嘅。小食叫左个盐酥鸡，都几大兜，新鲜炸起唔会干，配左个柚子汁点几好味。仲叫左两杯饮品，一杯黄金水果茶，好大杯，两个人share饮都得。个茶都唔错，饮落唔甜又有水果味。另外一杯系玫瑰可可鲜奶，玫瑰味啱啱好唔会好怪。总括黎讲，呢度嘅野食系有诚意嘅，但系唔系台湾古早味个啲，如果想试下新派嘅绝对可以黎试下。