翠華冰廳 (已結業)

平时都好钟意食茶餐厅，但都间中会觉得好多茶记都有小小污糟，就算翠华都系。原来荃湾广场开左间新既翠华，行冰厅路线，作为地胆就去左试下。见到佢menu都唔系平时翠华既menu黎既，价钱比正常翠华平D，系中级茶记价钱。见佢menu上面既野食名都用左D比较新派既表达，同埋有好多hashtag，应该系想吸引多d后生客路。男朋友常餐魔人，都系叫常餐，叫左榨菜肉丝米，配炒滑蛋加火腿多士。男朋友话食得出个榨菜肉丝唔系cheap野黎，同埋一D都唔唔孤寒。你知啦有时有D餐厅常餐上面既𩠌系得一pat仔，哈哈。滑蛋试左一啖，应该系用泰国蛋整？有小小奶味，几正。我叫左个极邪恶芝士焗窝蛋肉酱饭，呢个完全系comfort food黎既。芝士份量真系激多，多到不得不得了，岩哂我芝士迷，如果佢有得转意粉就好了。不过饭都好好味。汁又多，我都食唔哂，分左3份一比男朋友。埋单都系一百蚊多DD，讲真我觉得以佢资素性价比算高。重点系，佢好干净！可能因为新开啦，但成个门面系比其他茶餐厅干净好多，连锁可能就有呢度好！