小火焰韓式咖啡廳 (觀點中心) (已結業)

小火焰主打韩国菜，连金刚小仪都有黎食过，可见有名之余质素唔会差得去边。7点左右等位，已经有唔少人同我地一样都等紧位，无办法啦因为要食好西XD。我地今餐只系当小食咁食，所以点到唔多。首先系原味韩式炸鸡(半份$78)，一上菜已经闻到阵阵香味，戴上手套后一掂，辣到我地即刻缩身，证明真系即叫即炸，非常够时间。半份鸡有四件，每件都系唔同部位，肉质嫩滑，非常香甜，仲有两款酱料点，将味道升华。芒果布朗尼3.6牛乳雪花冰($68)，系季节限定嘅。夏天食芒果凉透水~ 上面系芒果雪糕，周围系芒果同埋布朗尼，下面系雪花冰。雪花冰比我想像中好食，因为唔似其他铺头咁淡而无味，而系有好浓嘅奶味。白桃乳酸特饮($34)，夏天再饮番杯乳酸真系劲正，仲要有粒粒果肉，消暑解渴又有口感。