影片
更多
2021-07-10
172 浏览
新派韩国菜-반찬앤쿡 Banchan and Cook行完时代广场咁多coupon送，就嚟咗呢间新式韩国餐厅试吓。睇𠮶个Menu都觉得几特别，因为除咗传统嘅烤肉、炸鸡之外，仲加入左日式同西式嘅元素，例如呢度最出名嘅蛋包饭、意粉、窝夫同埋沙律等等。绝对会令你嘅味觉有新嘅体会同埋冲击。炖牛肋骨蛋包饭蛋包饭系呢间餐厅嘅主打，可以加钱升级转蟹子蛋包饭。牛肋骨食落口非常软身，而且酱汁完全锁住肉嘅鲜味。一切开蛋包饭就有劲多蛋浆流出，留心蛋浆除咗外貌靓之外，而且入口即溶。钟意食蛋嘅朋友一定唔可以错过！烧酱油黑毛猪白切肉配大酱生菜黑毛猪火腿就成日食，白切煮法我都系第一次试。脂肪同肉嘅比例大概系一比三，食落口唔会太肥腻。呢一个𩠌嘅食法比较特别，有啲似泰式生菜包。餐厅提供左薄荷叶同埋生菜，可以包住黑毛猪肉，再按照自己嘅喜好加入泡菜、青椒、蒜头同埋韩式酱汁，包住一齐食，有几层唔同嘅口感。酱油蒜头炸鸡配韩式前菜 炸鸡有六款唔同嘅口味，我就点左半份无骨酱油蒜头味。半分嘅尺寸都比我想像中多，仲配上韩式年糕同埋外脆内软嘅粗薯条，卖相真系好吸引。个人觉得炸鸡嘅部份就比较甜，同埋酱汁比较多，有少少掩盖鸡嘅味道。烤朱古力
行完时代广场咁多coupon送，就嚟咗呢间新式韩国餐厅试吓。睇𠮶个Menu都觉得几特别，因为除咗传统嘅烤肉、炸鸡之外，仲加入左日式同西式嘅元素，例如呢度最出名嘅蛋包饭、意粉、窝夫同埋沙律等等。绝对会令你嘅味觉有新嘅体会同埋冲击。
炖牛肋骨蛋包饭
蛋包饭系呢间餐厅嘅主打，可以加钱升级转蟹子蛋包饭。牛肋骨食落口非常软身，而且酱汁完全锁住肉嘅鲜味。一切开蛋包饭就有劲多蛋浆流出，留心蛋浆除咗外貌靓之外，而且入口即溶。钟意食蛋嘅朋友一定唔可以错过！
炖牛肋骨蛋包饭
$125
21 浏览
0 赞好
0 留言
烧酱油黑毛猪白切肉配大酱生菜
黑毛猪火腿就成日食，白切煮法我都系第一次试。脂肪同肉嘅比例大概系一比三，食落口唔会太肥腻。呢一个𩠌嘅食法比较特别，有啲似泰式生菜包。餐厅提供左薄荷叶同埋生菜，可以包住黑毛猪肉，再按照自己嘅喜好加入泡菜、青椒、蒜头同埋韩式酱汁，包住一齐食，有几层唔同嘅口感。
烧酱油黑毛猪白切肉配大酱生菜
$182
31 浏览
0 赞好
0 留言
酱油蒜头炸鸡配韩式前菜
炸鸡有六款唔同嘅口味，我就点左半份无骨酱油蒜头味。半分嘅尺寸都比我想像中多，仲配上韩式年糕同埋外脆内软嘅粗薯条，卖相真系好吸引。个人觉得炸鸡嘅部份就比较甜，同埋酱汁比较多，有少少掩盖鸡嘅味道。
酱油蒜头炸鸡配韩式前菜
$128
27 浏览
0 赞好
0 留言
烤朱古力棉花糖
卖相好吸引嘅朱古力棉花糖，半溶嘅棉花糖仲可以配消化饼食。棉花糖嘅面头仲有朱古力酱同埋朱古力碎，但系味道就真系有少少过甜，食一两啖就好饱。
烤朱古力棉花糖
$98
23 浏览
0 赞好
0 留言
士多啤梨红桑子梳打
呢个系餐厅推荐嘅饮品，有士多啤梨同埋红桑子两款生果，加入梳打水，系一款清新解渴嘅夏天特饮。
焦糖脆脆鲜奶冻咖啡
饮落好似一般嘅牛奶咖啡，焦糖味唔算太突出，但系有少少脆脆喺面，令饮品多少少口感。
如果钟意食韩国菜嘅朋友不妨试吓，呢间新派嘅韩式fusion菜，而且价钱都适中。
张贴
