禮記 (已結業)

又要试吓将军澳南嘅餐厅，呢间餐厅夜晚系做烤鱼，朝早系做饮茶，入边设计比较新潮，装修风格比较特别。我同阿妈两个人，一盅两件，享受风味。椒盐脆豆腐 4/5经典嘅菜式我谂周围都有，但系好食嘅都要好考功夫，每粒嘅size都啱啱好，外边层皮唔会太厚，入边都保持幼滑，外边嘅椒盐粉提升整个层次。安格斯牛肠粉 4/5每一粒都系整体嘅牛肉粒，比起一般嘅牛肉肠粉系好食，始终唔系牛肉泥，肠粉嘅皮都够薄，依个价钱呢个份量我觉得唔差。蛋白鲜虾炒饭 2.5/5呢个价钱 $158 食一个咁简单嘅炒饭，我嘅期望一定系高要求，佢面头上𠮶一执瑶柱，份量少，鲜虾得六只，普通嘅炒饭仲要冇乜味，我系觉得唔抵。黑鱼子带子烧费皇 3/5听个名就觉得好矜贵，又有墨鱼子又有带子又有鲜虾，但系好唔好食真系好讲功夫，每样嘢都弹牙，唔会一夹就散，实实在在，味道唔差，我谂贵在就系𠮶个材料而唔系背后嘅功夫。地点:将军澳Donki𠮶个商场侧边，经过嘅时候就会见到有好多间餐厅，唔系只系食佢嘅。环境:新潮嘅装修，我又有少少古典嘅味道，刻意采用中式嘅器具，可见多元文化嘅混合。价钱:四样嘢埋单，每人$200，算贵㗎啦。服务:二人枱櫈底有篮仔俾我哋摆袋。