一家

营业中

休息中

今日系筲箕湾收工，见到有间新开既中菜馆，主打上海菜，餐厅大得嚟坐得好舒服，仲有唔少打卡位。除左入嚟坐低食小菜之外，门口亦可以买到手摇饮品。小笼包真系要趁热食。外皮厚薄适中，皱折均匀，咬落充满汤汁同肉既鲜味。香辣炸茄子好好食！茄子切成丝，再拎去炸。食落香脆而且唔辣，仲带少少酸酸甜甜既口感，相当惊喜既一道小菜！怪味鸡本身以为怪味鸡会用上原只既鸡肉，谁不知上菜先发现系外皮脆炸过既鸡件，炸得好香口之余，入面既鸡肉肉质都好鲜嫩。食到中间仲有唔少青瓜丝，配埋汁食，酸甜有致。热情婶婶(热情果菠萝梳打)手摇饮品以茶饮为主，夜晚唔饮茶所以就试下梳打。饮品都真系几足料，有唔少热情果籽同切粒菠萝，甜度控制得刚刚好，值得一试。