金萊餐廳 (已結業)

呢日系铜锣湾见到间好精致嘅茶餐厅，见佢主打食烧味，望落好吸引，一于入去试吓先。双拼要咗烧鹅同烧腩仔（$156）- 烧鹅真心好味，肉质鲜嫩有油香，但唔会太肥腻，入口啖啖肉。烧腩仔香脆，味道唔错。干炒牛河（$64）- 炒得好香口入味，够镬气。特别钟意佢嘅河粉好烟韧，有口感。金砖四角西多士（$45）- 邪恶之选，卖相好正。炸得好香脆，入面有花生酱，配牛油同糖浆食，真系一流。饮品点咗凉粉红豆冰（$32） 同热柠蜜（餐+$5）- 凉粉红豆冰份量多，红豆煮得好淋，味道超正。餐厅食物质素唔错，价钱相当抵食，选择多元化。环境舒服，比一般茶记好坐。