影片
更多
2023-08-28
603 浏览
位于尖沙咀地铁上盖5分钟步程，九龙公园隔离非常就脚，上楼一层，属于新派点心与传统嘅结合，龙点心的新派点心精致得嚟味道有水准！开枱坐卡位，饮茶有卡位坐仲要坐得舒服，而且一坐底即刻开茶，我点咗铁观音，茶水味都几香浓，茶钱就$10一位，餐厅计加一服务费。我同朋友点咗啲新式点心，又叫咗啲老派点心，见到有埋咁多款甜品又叫埋，估唔到仲有炖汤，佢哋款式菜式选择真系几多，以尖沙咀食饭嘅价钱唔算贵，同埋真系整得几好味、每一样都好平均。一龙大满足的确一次过满足哂六种嘅味蕾感觉，酸菜鱼凤眼饺非常有惊喜，真系食到麻酸嘅感觉！好开胃！另外蟹粉菠菜香虾饺、笋尖虾饺皇，每一啖都充满鲜虾甜味，虾肉爽口弹牙，而松露野菌晶莹饺、咸蛋黄墨鱼烧卖都好特别，感受到唔同口感嘅新鲜感！而豌豆桃子口感似寿包，不过系迷你版本，食落亦都似莲蓉嘅味道。笑口叉烧包因为好钟意食传统叉烧包，的确系比一般叉烧包细咗少少，虽然未到爆肉，但系都食得好开心，味道唔错👍🏻南北杏菜胆炖猪肺因为好钟意食猪肺，所以点咗炖汤，老实讲，瘦肉真系好多好足料，猪肺都有2-3小片，其他配料都好足，个汤都几清甜！桃胶鲜奶炖椰皇最满意系呢个甜品，唔太喜爱食甜嘅都觉得好好味，
位于尖沙咀地铁上盖5分钟步程，九龙公园隔离非常就脚，上楼一层，属于新派点心与传统嘅结合，龙点心的新派点心精致得嚟味道有水准！开枱坐卡位，饮茶有卡位坐仲要坐得舒服，而且一坐底即刻开茶，我点咗铁观音，茶水味都几香浓，茶钱就$10一位，餐厅计加一服务费。我同朋友点咗啲新式点心，又叫咗啲老派点心，见到有埋咁多款甜品又叫埋，估唔到仲有炖汤，佢哋款式菜式选择真系几多，以尖沙咀食饭嘅价钱唔算贵，同埋真系整得几好味、每一样都好平均。
一龙大满足的确一次过满足哂六种嘅味蕾感觉，酸菜鱼凤眼饺非常有惊喜，真系食到麻酸嘅感觉！好开胃！
另外蟹粉菠菜香虾饺、笋尖虾饺皇，每一啖都充满鲜虾甜味，虾肉爽口弹牙，而松露野菌晶莹饺、咸蛋黄墨鱼烧卖都好特别，感受到唔同口感嘅新鲜感！而豌豆桃子口感似寿包，不过系迷你版本，食落亦都似莲蓉嘅味道。
笑口叉烧包因为好钟意食传统叉烧包，的确系比一般叉烧包细咗少少，虽然未到爆肉，但系都食得好开心，味道唔错👍🏻
南北杏菜胆炖猪肺因为好钟意食猪肺，所以点咗炖汤，老实讲，瘦肉真系好多好足料，猪肺都有2-3小片，其他配料都好足，个汤都几清甜！
桃胶鲜奶炖椰皇最满意系呢个甜品，唔太喜爱食甜嘅都觉得好好味，桃胶份量好足，鲜奶炖椰皇香滑柔软，感觉入口即化，非常好味✨
鲜芒果甜椰芒果蓉好多，底层似系椰子味弹牙啫喱，食落非常消暑，芒果酸酸甜甜好开胃。
香浓黑芝麻糊米浆成份比较多嘅芝麻糊，店员表示以新鲜黑芝麻即磨打出，芝麻味道可口质地比较杰。
张贴
