影片
更多
2022-04-11
347 浏览
难得今日放假，立即约屯门朋友食个下午茶，聚一聚，吹下水，我哋都系点心控，但又唔想去啲传统茶楼，一来茶位贵，二来多人等位，所以就上嚟哩度揾吓有咩好介绍，咁啱就俾我哋揾到哩间新(?)餐厅，见佢好似好抵食（茶位都只系每位$3），一于试吓！我同朋友虽然都系屯门友，但都比较少嚟新墟哩边行，餐厅位置有啲隔涉，不过有手机📱地图都揾到。餐厅系新式点心店，牌面用咗好潮嘅Tiffany blue 。里面嘅格局同装修都好有玩味，粉系颜色好有活力好年轻，特别钟意佢嘅霓虹灯特色墙。如果佢啲餐具茶壶都用埋粉色系列嘅话呢，咁就仲好玩。好喇，讲返点心先。我哋一共叫咗5个点心。（哗！唔写食评都唔发觉，佢哋啲点心其实真系好抵食）1️⃣ 棉花鸡 $29我好钟意食棉花鸡，因为啲鸡肉通常都好大旧好滑，仲有鱼肚加埋上汤汁真系一流嘅享受。而哩度嘅棉花鸡亦做到哩一点，鸡大大件，又白又滑。鱼肚同上汤都好香，一咬落去啲汁慢慢渗出嚟，非常鲜味可口2️⃣ 香滑反斗糕 $20其实叫嘅时候我哋都唔知系咩嚟，净系贪佢个名够特别。嚟到嘅时候我哋就恍然大悟，虽然卖相无乜惊喜，亦唔明白点解要叫反斗糕（唔通系因为佢嘅形状特别？），不过味道就唔错。味道系奶皇味，
餐厅系新式点心店，牌面用咗好潮嘅Tiffany blue 。里面嘅格局同装修都好有玩味，粉系颜色好有活力好年轻，特别钟意佢嘅霓虹灯特色墙。如果佢啲餐具茶壶都用埋粉色系列嘅话呢，咁就仲好玩。
好喇，讲返点心先。我哋一共叫咗5个点心。（哗！唔写食评都唔发觉，佢哋啲点心其实真系好抵食）
1️⃣ 棉花鸡 $29
我好钟意食棉花鸡，因为啲鸡肉通常都好大旧好滑，仲有鱼肚加埋上汤汁真系一流嘅享受。而哩度嘅棉花鸡亦做到哩一点，鸡大大件，又白又滑。鱼肚同上汤都好香，一咬落去啲汁慢慢渗出嚟，非常鲜味可口
棉花鸡
$29
4 浏览
0 赞好
0 留言
2️⃣ 香滑反斗糕 $20
其实叫嘅时候我哋都唔知系咩嚟，净系贪佢个名够特别。嚟到嘅时候我哋就恍然大悟，虽然卖相无乜惊喜，亦唔明白点解要叫反斗糕（唔通系因为佢嘅形状特别？），不过味道就唔错。味道系奶皇味，口感就似马拉糕，所以我同朋友都叫佢做奶皇马拉糕。糕的确系滑嘅，甜度刚刚好，攞嚟做饭后甜品一流
香滑反斗糕
$20
11 浏览
0 赞好
0 留言
3️⃣ 黄沙润肠 $27
我觉得系今日最嘅点心，必叫！肠粉真系好滑好薄身，简直就系晶莹通透。猪润肠真系比较难揾到，见到餐牌有嘅𠮶一剧真系好惊喜，即叫！猪润份量都好足够，食落仲好新鲜好香口，真系好食又补血
黄沙润肠
$27
4 浏览
0 赞好
0 留言
4️⃣ 皮蛋瘦肉粥 $21
粥煮得好香好棉，皮蛋同瘦肉份量都可以，21蚊真系唔敢有怨言。不过⋯⋯😅🤭 如果粥底如果可以「稠」少少🤏🏽就更加好
皮蛋瘦肉粥
$21
7 浏览
0 赞好
0 留言
5️⃣ 家乡咸水角 $20
我朋友最欣赏嘅点心。咸水角外脆内烟靭，口感一流，甜甜地真系好正，如果里面可以多返少少馅料会更完美。下次嚟必定会encore！
家乡咸水角
$20
3 浏览
0 赞好
0 留言
另外亦要赞一赞服务，职员好有礼貌同好客，必定会再嚟支持！
张贴
