影片
更多
2023-11-19
85 浏览
今日又去米线哥食lunch，估唔到有新惊喜 - 出左新嘅蕃茄汤底🍅！poster讲到明啖啖🍅肉不得止，仲可以加辣度！咁就一于试试佢！撞啱promo，叫左个茄汤大辣双𩠌（鸡肉同金菇）+饮品加购价再半价（本来8蚊变4蚊）嘅套餐，加埋都系45，抵呀！米线等左5分钟到米线就上枱，以星期日午市咁忙嚟讲都咁快上枱系抵赞嘅。一上枱就见到一堆茄肉系碗粉中间，搅匀之后成个碗都系茄肉，真系啖啖都有，系讲得出做得到㖞！汤底方面，唔算系茄汤专门店好鲜嘅蕃茄味，系有加茄膏，但整体唔会因为只有茄膏而死咸。辣度方面由于我拣左大辣，有少少喧宾夺主，个辣味冚哂茄味。反观我朋友嘅BB辣茄汤就无呢个问题，所以嗜茄一族都系唔好拣咁辣会好啲，balance 返。𩠌方面，鸡肉都系一贯嘅雪鸡但无乜雪味又无乜肥肉，可以接受；金菇为索汤而叫，无特别，不过不失；米线弹牙唔会太淋，正常发挥。结论系茄汤系正嘅，不过本人极度嗜辣仲要撞正入冬，应该都系回归麻辣汤尽兴啲🤣
撞啱promo，叫左个茄汤大辣双𩠌（鸡肉同金菇）+饮品加购价再半价（本来8蚊变4蚊）嘅套餐，加埋都系45，抵呀！米线等左5分钟到米线就上枱，以星期日午市咁忙嚟讲都咁快上枱系抵赞嘅。一上枱就见到一堆茄肉系碗粉中间，搅匀之后成个碗都系茄肉，真系啖啖都有，系讲得出做得到㖞！
汤底方面，唔算系茄汤专门店好鲜嘅蕃茄味，系有加茄膏，但整体唔会因为只有茄膏而死咸。辣度方面由于我拣左大辣，有少少喧宾夺主，个辣味冚哂茄味。反观我朋友嘅BB辣茄汤就无呢个问题，所以嗜茄一族都系唔好拣咁辣会好啲，balance 返。
𩠌方面，鸡肉都系一贯嘅雪鸡但无乜雪味又无乜肥肉，可以接受；金菇为索汤而叫，无特别，不过不失；米线弹牙唔会太淋，正常发挥。
结论系茄汤系正嘅，不过本人极度嗜辣仲要撞正入冬，应该都系回归麻辣汤尽兴啲🤣
张贴
