滾得棧 (已結業)

人人都有间自己食开嘅火锅，呢排呢间都系心头好。无他，牛肉真心高质，你自己去街市买都冇咁靓，而且独有嘅牛眼跟，真系唔系咁多地方有。最精彩嘅系呢度有好多新汤底提供，刚刚上星期推出嘅麻辣小龙虾汤底，加上薯粉、青瓜、莲藕等等，食到唔愿停口，完全感受到那种地道气息。呢到仲有个好出名嘅潮式紫菜汤底，惊喜度满分，就咁饮都够开心。今次仲试左呢到嘅刺身，本地龙虾刺身当然不错，两食用龙虾头整嘅泡饭，不得了。当然仲有其他靓靓打边炉料，炸午餐肉，梅菜猪肉饺，响铃、桂花蚌，鲍鱼等等，食到顶住个肚。人多势众，试埋佢嘅生炒糯米饭，听讲攞哂奖，几饱都要试，炒得货真价实，每粒脆口，加上靓腊味，当你今晚咁饱时候都仲要食几多啖就知真系好好食。睇下相，又想拖马去试新汤底，听讲将会有新汤底，下次再介绍俾大家。