影片
更多
2023-02-19
44 浏览
前几日去旺角买嘢嘅时候见到有间牛肉饭好多人排队，见平时大路嘢几间都试过，咁不如就试吓依间，去到门口都见到有一条长龙，不过咁即系应该都实力有返咁上下啦。入座之后，店员安排我坐吧枱位见到食物出上菜嘅流程见到炸嘢都会有一个保暖灯去保暖，确保啲嘢出嚟系热辣辣，一有嘢食店员就会即刻去送餐，所以所有食物都好够新鲜。入咗之后就可以扫码点餐，见到入面主打都系牛肉饭，有烧汁牛肉饭同埋盐烧牛肉饭，见后者喺出面比较少见，就带咗一个再加饺子三只，另外就再加埋烧牛肉试吓两款有咩分别。等咗一阵就已经上菜，见到饺子都系煎得非常金黄，唔会话太㶶同埋刮到个口，亦都好够热，咬落去都劲食到好多系肉，唔会话太多系菜，啱晒食肉兽嘅我。饺子皮薄馅多，唔会觉得好肥腻。见到盐烧牛肉都会有一啲汁，食落去虽然冇平时咁重味，但系就可以慢慢带出本身肉类嘅鲜甜，配上生洋葱食口感更加鲜明。饭粒亦都系粒粒分明，生熟度啱啱好唔会话偏淋，捞饭就啱啱好，份量亦都好足，足以食到好饱。烧牛肉方面佢嘅酱汁偏为浓味，拎嚟捞饭就最适合，食落去佢系以烧汁嘅惹味吸引我继续想食落去，而佢嘅洋葱就系已经会跟住烧汁煮埋落去，所以洋葱虽然冇生洋葱爽脆嘅口感，但亦都有烧汁嘅香
入座之后，店员安排我坐吧枱位见到食物出上菜嘅流程见到炸嘢都会有一个保暖灯去保暖，确保啲嘢出嚟系热辣辣，一有嘢食店员就会即刻去送餐，所以所有食物都好够新鲜。入咗之后就可以扫码点餐，见到入面主打都系牛肉饭，有烧汁牛肉饭同埋盐烧牛肉饭，见后者喺出面比较少见，就带咗一个再加饺子三只，另外就再加埋烧牛肉试吓两款有咩分别。
等咗一阵就已经上菜，见到饺子都系煎得非常金黄，唔会话太㶶同埋刮到个口，亦都好够热，咬落去都劲食到好多系肉，唔会话太多系菜，啱晒食肉兽嘅我。饺子皮薄馅多，唔会觉得好肥腻。
见到盐烧牛肉都会有一啲汁，食落去虽然冇平时咁重味，但系就可以慢慢带出本身肉类嘅鲜甜，配上生洋葱食口感更加鲜明。饭粒亦都系粒粒分明，生熟度啱啱好唔会话偏淋，捞饭就啱啱好，份量亦都好足，足以食到好饱。烧牛肉方面佢嘅酱汁偏为浓味，拎嚟捞饭就最适合，食落去佢系以烧汁嘅惹味吸引我继续想食落去，而佢嘅洋葱就系已经会跟住烧汁煮埋落去，所以洋葱虽然冇生洋葱爽脆嘅口感，但亦都有烧汁嘅香味，食落去亦都会有清新嘅感觉。除咗本身两款牛肉有嘅酱之外，调味料亦都有另一只酱系酸酸甜甜，可以拎嚟捞饭。
总括而言，呢一间嘅牛肉饭同出面嘅牛肉饭风格虽然有啲唔同，但系都好值得再去试吓，见到隔篱枱嘅铁板牛肉同埋牛肉盖饭都好吸引，下次会再嚟试吓。
张贴
