影片
更多
2013-08-12
1577 浏览
由星期一已经开始谂今个星期六同几个旧同学去边到食饭! 放题?冇新意.冇惊喜.. 大排档?咁既天气..想坐得舒服d… 唔通真系又要打边炉.? 抱住阿Q精神.唔放弃! 四出打探..竟然有两位同事不约而同地推介新汉记! 话虽然要去到新界,但非常之有特式又好食.名人饭堂..哇..系咪咁劲..?! click上openrice睇先知原来系食客家菜. 同事提醒一定要先订位.如果唔系有排等. 咁我就乖乖地打去订位 终于等到星期六!!!! 交通系有少少唔方便.但一早做好心理准备. 比我想像之中容易揾. 订左7点半, 早左15mins到. 顺利入坐冇问题.! 明白我既好同事点解要我book左先. 因为真系好多人等紧…. 拎起menu. 真系冇咩头绪. 但做足功课都知道有咩系一定要食既. 可能侍应姐姐见我地冇咩头绪. 过左黎同我地讲今日有咩正野时令野. 点好菜, 大家笑下吹左阵水, 好快就已经可以上菜. 不得不赞. 客人如此多. 都能够咁有效率! 黄酒煮鸡.比起大家都力推既黄酒干炒鸡, 想试下黄酒煮鸡!红枣好甜,核够细. 黄酒非常补身.好够酒味.超正啊.!老妈子酿苦瓜. 个人对苦瓜真系麻麻地.但朋友好想
放题?冇新意.冇惊喜.. 大排档?咁既天气..想坐得舒服d…
唔通真系又要打边炉.? 抱住阿Q精神.唔放弃! 四出打探..
竟然有两位同事不约而同地推介新汉记!
话虽然要去到新界,但非常之有特式又好食.名人饭堂..哇..系咪咁劲..?!
click上openrice睇先知原来系食客家菜. 同事提醒一定要先订位.如果唔系有排等.
咁我就乖乖地打去订位
终于等到星期六!!!!
交通系有少少唔方便.但一早做好心理准备. 比我想像之中容易揾.
订左7点半, 早左15mins到. 顺利入坐冇问题.!
明白我既好同事点解要我book左先. 因为真系好多人等紧….
拎起menu. 真系冇咩头绪. 但做足功课都知道有咩系一定要食既.
可能侍应姐姐见我地冇咩头绪. 过左黎同我地讲今日有咩正野时令野.
点好菜, 大家笑下吹左阵水, 好快就已经可以上菜.
不得不赞. 客人如此多. 都能够咁有效率!
黄酒煮鸡.
比起大家都力推既黄酒干炒鸡, 想试下黄酒煮鸡!
红枣好甜,核够细. 黄酒非常补身.
好够酒味.超正啊.!
老妈子酿苦瓜. 个人对苦瓜真系麻麻地.但朋友好想试.
就叫左一份黎试下… 我可以话.呢一道菜打破左我多年对苦瓜既偏见,
非常好食. 苦瓜入口完全冇苦涩,相反系一份回甘.
肉好香,同个汁好夹. 令我不禁再食一旧!
豆酱炒蟹. 冇谂住食蟹.但真系一个意外既一个收获!
豆酱将茄子同葱炒得极为香. 好钟意佢个味道.
肉蟹已贴心地拍开, 只要食时一咬就可以咬开.
蟹好新鲜.肉质好弹牙. 豆酱早已流入蟹肉中.
唔系hard sale,可能食海鲜价钱系贵少少.但系呢一道菜真系值呢个价.
同朋友都好钟意个蟹.. 与其比百几蚊食D 死实实又冇鲜味既蟹.
对唔住自己个胃. 不如系度食个豆酱炒蟹,
至少食落去. 心情都好D.hahahaha.
炸豆腐.第一眼睇落好似臭豆腐. 当然佢唔臭. 外皮炸得好酥好金黄.
咬到入去就好软好滑. 同外面食既豆腐完全唔一样…好特别!
临近尾声,黎个鹅掌面. 天啊…真系食不停..鲍汁好rich好香浓. D面好有咬口.
真系用心之作.!
到我地食完都仲有人等紧.食完饮多两杯啤酒就起身走人. 我地几个人食.份量刚刚好. 佢唔系大件夹抵食.
但今晚食野每一样野都觉得真系with heart.
朋友们都好满意.仲话下次一齐再黎试佢其他野!
真心期待下一次! 真系觉得今次系意外中既收获!
张贴
