品曲奇 (利園二期) (已搬遷) 新店位置

平时新年最多收到嘅都系曲奇饼，但食黎食去都系𠮶几只味，但原来香港有一间新派嘅曲奇饼店，佢创新嘅味道令我忍唔住买咗两盒食。单单系佢嘅包装已经好吸引，送礼简直系一流。佢哋有八款唔同口味嘅曲奇，可以买一盒独立嘅款式，又或者系佢哋嘅杂锦装，八款都齐晒可以每样都试吓。佢哋嘅曲奇除咗有甜嘅口味之外，仲有咸味嘅曲奇，都系充满香港特色嘅口味，例如XO酱、香辣虾米、葱油鸡同七味粉，而甜嘅口味亦都好有特色，有提子花旗参、红枣、杏脯迷迭香同陈皮子姜。初初听个名都担心会唔好食，但系食落去原来好夹，用来做小食或者送酒都非常之啱。