影片
更多
2022-10-21
313 浏览
之前睇介绍见到呢度300几蚊就可以食大闸蟹套餐，啱晒我呢d钟意食，但又怕食得多嘅人，一只起，两只止，啱啱好。餐厅以红白色为主调，抢眼但唔老土，四周嘅墙画同样抢眼，而且几有特色。第一道菜火焰醉翁虾第二道菜 大闸蟹(清蒸及盐焗各半)第三道菜 火锅汤底4选一，拣左四川麻辣汤底另外仲有肥牛黑毛猪卷并盘、蔬菜篮。菜单仲有姜茶同浓姜芝麻汤丸。虾上枱时已在砂煲内‘饮’紧酒，等左一阵侍应就点火，睇住虾慢慢变红，上碟，入口。虾肉弹牙，点埋餐厅提供嘅甜豉油加辣椒份外鲜味。食完虾，侍应上大闸蟹。呢度大闸蟹可以清蒸，又可以盐焗，我地拣各半不同整法。第一次食盐焗大闸蟹，原来几好味㖞。蟹膏都几滑，又鲜甜。之后就到麻辣火锅，有菜、有肉。最初都会因口痕，心谂得咁少嘢食会唔会唔够饱呢？睇吓餐牌，原来呢个套餐可以用优惠价追加靓牛或者海鲜。跟餐就有肥牛同黑毛猪，猪肉好好食，有咬口、有肉味，就算大大块叠住一齐食，都轻易咬开。蔬菜篮有娃娃菜，唐生菜、金菇、粟米等，配埋麻辣汤底食，嗜辣者会👍，因为索晒浓汤食真系好辣，朋友食得津津有味。但我食唔到辣，只食到一、两条菜就已经投降了🥵最后都唔洗再加𩠌，啱啱够饱。总结呢个套餐真系几抵食，
餐厅以红白色为主调，抢眼但唔老土，四周嘅墙画同样抢眼，而且几有特色。
第一道菜火焰醉翁虾
第二道菜 大闸蟹(清蒸及盐焗各半)
第三道菜 火锅汤底4选一，拣左四川麻辣汤底
另外仲有肥牛黑毛猪卷并盘、蔬菜篮。菜单仲有姜茶同浓姜芝麻汤丸。
虾上枱时已在砂煲内‘饮’紧酒，等左一阵侍应就点火，睇住虾慢慢变红，上碟，入口。虾肉弹牙，点埋餐厅提供嘅甜豉油加辣椒份外鲜味。
食完虾，侍应上大闸蟹。呢度大闸蟹可以清蒸，又可以盐焗，我地拣各半不同整法。第一次食盐焗大闸蟹，原来几好味㖞。蟹膏都几滑，又鲜甜。
之后就到麻辣火锅，有菜、有肉。最初都会因口痕，心谂得咁少嘢食会唔会唔够饱呢？睇吓餐牌，原来呢个套餐可以用优惠价追加靓牛或者海鲜。
跟餐就有肥牛同黑毛猪，猪肉好好食，有咬口、有肉味，就算大大块叠住一齐食，都轻易咬开。
蔬菜篮有娃娃菜，唐生菜、金菇、粟米等，配埋麻辣汤底食，嗜辣者会👍，因为索晒浓汤食真系好辣，朋友食得津津有味。但我食唔到辣，只食到一、两条菜就已经投降了🥵
最后都唔洗再加𩠌，啱啱够饱。总结呢个套餐真系几抵食，食到唔同煮法嘅大闸蟹、又有虾、仲可以食埋火锅，唔错。
张贴
