香湘辣妹 (已結業)

去左黄埔同朋友食late late lunch ,又肚饿又到三点，行到红磡南道附近必嘉街，见到好几间餐厅，选了呢间门面新潮店铺既Spicy girl ,原来里面系食湖南私房菜，好似置身内地中高端菜馆般，本Menu 好特别成本Magazine 咁，里面好多选择，先叫了两碟前菜，凉拌木耳，有啲酸醋，开胃爽脆，另一碟系海带丝，超级辣，有啲麻辣口味，好刺激，爱辣人士不妨试试。主菜叫了干锅田鸡$128，用炉上，边食边煮热，惹味，田鸡肉弹牙，唔算太辣，爱辣者可食埋尖椒更满足。用心摆设，连碗碟都有店名，仲叫了手抓羊扒$148，脆香蒜蓉辣椒粒，香料腌制的羊排，羊味浓。最后叫了窝窝头$48，中间菜蒲梅菜，放入包芯，包好软熟。最后每人二百几蚊，连张单都好有心机菜名隔离仲有啲语句，好有心思。