麵檔 (已結業)

迟收工赶返屋企，在最近小巴站新开了呢间地牢面档，门面光猛，落地牢条楼梯装修有特色，好似将啲调味招纸做装饰！入去只有一枱客，地方装修新潮，干净企理，个男店员好有礼貌，知我外卖叫我坐低慢慢睇餐牌，讲真食物唔便宜，拣咗一个A餐加油菜，外卖要收多$2外卖盒钱！收银阿姨好明显唔熟手，要男店员慢慢教㩒机，只可以比现金唔方便，之后又叫我坐低等5分钟！睇住半开放式厨房煮食物，男店员仲好有礼问我要不要醋同辣椒油！包好交比我，仲帮我推埋门！服务真系唔话得！细蓉餐（$58）云吞四粒，估唔到浸汤半小时仲保持爽口，皮都无烂，劲！（本来已经有食烂云吞嘅准备）面难免发大了，幸好仲少许弹牙，落红醋，唔太酸，唔会呛喉，辣椒油好香，唔会辣到呛喉！汤底清澈味浓，食晒！油菜菜心：估唔到咁多，可惜焗过半小时淋咗，梗都仲好，菜叶淋晒，不过呢个唔关餐厅事！外卖问题！蚝油另外上几好，份量可以自己决定！又唔会令到油菜水汪汪！辣椒油：好香唔辣唔呛喉！包装企理，用晒靓胶盒，连调味料都分开装！唔会捞定落食物度！可惜自己外卖，菜焗淋了，面发大了！不过味道仲几好！堂食应该会好好味！虽然价钱唔算便宜，服务环境搭够，好过食完要谷气嘅！