龍點心 (Eastcore)

营业中

休息中

💡新潮点心之选好耐都无食过点心，今日去开观塘，朋友就介绍呢间新潮点心铺，食物好有特别，而且味道都唔错。🍽一龙大满足可以一次过试6种不同的点心，虾饺皇 🦐皮薄馅多，够晒爽口。酸菜鱼鳯眼饺 🐟第一啖感觉系都几辣，原来入面有酸菜鱼，钟意食辣可以一试。松露野菌晶莹饺 🍄黑松露味香浓突岀。蟹粉菠菜香虾饺 🦀上面放满三文鱼籽，都几特别。咸蛋黄墨鱼烧卖 🦑咸蛋黄够香浓。豌豆桃子，迷你寿桃包，可以一口食晒。🍽脆脆富贵红米肠粉呢个真系未见过，粉红色肠粉，咬落去脆卜卜，有点似越式咁，入面有点菜，唔够味仲可以点泰式辣酱。🍽凤爪拼金钱肚好入味，金钱肚够晒爽口弹牙。🍽黑金流沙包热辣辣的奶黄馅，咬落去流晒出黎，好香口。🍽一口咸水角造型好可爱，用枝竹签串起，一串两粒一橙一绿。个馅入面有点似磨菇，好烟韧。🍽甜品店铺送的甜品，食落唔算太甜。