牛知己 (已結業)

日式/韩烧/打边炉放题就食得多啦，韩式火锅放题又试过未??今日系元朗私人屋苑附近发现尼间餐厅，主打韩式汤底火锅，非常滋味，适合一大班人一齐去烚下烚下。五点至七点有早鸟优惠，叫个特级套餐$158可以食足个半钟。每张枱都有一部tablet，方便落单。几新奇既系，食物会系一盘盘咁系枱旁边经轨道运过黎，省减侍应捧野食既时间。汤底有4款，叫左韩牛牛骨汤，白白既汤好浓郁，滚起后唔会太油腻，一开头饮几啖补补钙，又补下骨胶原。仲可以拣富有韩国特色既泡菜汤，大酱汤，或者海带汤。任叫既肉类有美国壳饲牛肉，西班牙豚肉，西班牙五花肉，鸡肉。另外加钱叫左一份安格斯小牛排。安格斯小牛排质素果然高，入口即溶。牛肉，豚肉，鸡肉每份都有好多片，好适合慢慢品尝，肉质都几嫩滑。仲有海鲜可以任叫，好似墨鱼仔，青口，蝴蝶虾。汤够热，滚几下好快就熟，好鲜甜。打边炉唔少得既丸类同蔬菜，可以自己去夹，种类非常多。饮品我就试左一jar黑糖水，由红枣同黑糖调制而成，甘甘甜甜，又有d肉桂味，好清新。尼度都有饮品柜，都唔少得lotte既芦荟同忌廉牛奶。到最后例牌都系唧番杯乳酪雪糕先够喉。整体，用输送带送食物，方便。而且有tablet落单，唔