龍點心 (Eastcore)

营业中

休息中

呢间点心有别于传统茶楼，见佢款式都多而精致，所以邀请朋友同我一齐试下。我地四人叫左大概10样点心，有红米脆脆肠粉，见佢红色外面系吱左沙律酱，同平时食开唔同，佢真系好有惊喜，突破左传统，薄薄既皮，裹面脆口而且有虾肉，系好夹！黑金流沙包，外皮系黑金色既，裹面系流沙奶黄，呢个只系外表比以往食既既唔同，至于味道上，蛋黄香系够，但呢个一定要趁热食！冻左就好难食了！凤爪拼金钱肚，每次去饮荼都一定会呢两样，牛肚够淋，而且酱汁都系少辣，系几香口惹味既。肉松马拉糕，呢个都系比较少见，马拉糕系少甜，但配左咸咸地既肉松中和番就岩岩好，而且肉松增加左成个糕既口感。拉丝菠萝包，有３个超迷你既菠萝包，其实唔系好食到入面有咩特别口味，亦都冇拉丝，唔知个特别位系边。一口咸水角，有两只颜色，真一小口就食完，唔想油腻感咁重可以叫呢个。马拉小笼包，可能我食唔惯，超重味，而且裹面冇肉汁。总括黎讲，呢间点心系唔差，下次有机会再试下其他。