金記冰室 (已結業)

入咗大埔探朋友,佢话要拉我去佢屋企附近新开张嘅<金记冰室>试下,听个名就觉得同普通茶餐厅冇乜分别,呢度除咗新装修所以格局份外干净光猛之外,所有摆设同埋餐具都富有七/八十年代嘅港式情怀,令人怀旧一番。嚟到咁老牌嘅港式茶记,当然要一人叫一份经典大厨嘅铁板套餐满足一下啦!!!铁板西冷牛扒餐($88蚊)：铁板整份送上往往系茶餐厅最令人感动嘅,尤其是系酱汁另上,喺你面前淋落块扒度"滋滋炸炸"呢几秒,确实应该系每一个八十后嘅成年人年少时嘅回忆,爸爸妈妈话带你去食大餐,永远就系记住呢一个moment,标哂烟,香喷喷嘅一块铁板餐实在吸引。牛扒唔系话乜嘢顶级级数嘅类别,不过就胜在size够大,啖啖肉好满足,配埋炒香咗嘅意粉仲有荷兰豆做配菜,女士理应就冇理由唔饱啰~铁板美式杂扒餐($80蚊)：杂扒永远都受人欢迎因为就系里面超级丰富,有牛扒+鸡扒+猪扒仲有肠仔同烟肉,配埋薯菜仲有炸薯条食,本身唔系有番咁上下肚饿都真系唔好叫喇$80蚊呢个价钱喺而家咁嘅环境真系好难得,明正言顺「抵食夹大件」!!!价钱虽然话系平,但味道又有水准㖞,起码啲肉扒都分别悉心调味过,煎香过,睇嚟我下次都要带阿肥帮衬一下啦