影片
更多
2022-07-31
85 浏览
最近网上见到美心烘焙所推出新产品，每天限量出炉法式布甸面包，既系甜品，亦系面包，非常特别。法式布甸面包采用咗法国淡忌廉，蛋香浓郁，配上松软及略带烟韧嘅法包，食落有多重口感，以＄15一个黎讲都算系超值。法式布甸面包可以冻食或热食，我自己就两样都试过。热食嘅话就可以品尝到布甸细致幼滑嘅口感，而冻食就好似食甜品咁，除左可以原个大口品尝之外，仲可以用汤匙一更更咁食中间嘅布甸，个人就比较喜欢冻食，布甸滑溜嘅口感简直令人回味呀。既然买左法式布甸面包，都顺便买埋其他野食俾屋企嘅化骨龙。平时真系无留意店铺系有沙翁，家人好喜欢食，就买返去试下。沙翁外层沾满砂糖，大约有一个拳头嘅大小，食落外脆内柔软，气泡多，口感轻盈，蛋味浓郁。粒粒提子卷：提子卷非常大个，口感软熟，啖啖粒粒提子干，香甜滋味散发阵阵果香，令人一啖一啖食过不停。甜鸡批：卖相呈金黄色嘅鸡批，外皮酥香，够松化，中间包住白汁鸡肉，非常creamy，鸡肉份量亦都刚刚好，食起黎唔会太油腻，值得一赞。迷你卷蛋：我一直都好喜欢本店嘅卷蛋，所谓嘅「迷你卷蛋」一d 都唔迷你，原味卷蛋蛋味香浓，忌廉份量适中，入口非常滑溜，配合蛋榚湿软嘅口感，整体味道唔会太甜，无
法式布甸面包采用咗法国淡忌廉，蛋香浓郁，配上松软及略带烟韧嘅法包，食落有多重口感，以＄15一个黎讲都算系超值。
法式布甸面包可以冻食或热食，我自己就两样都试过。热食嘅话就可以品尝到布甸细致幼滑嘅口感，而冻食就好似食甜品咁，除左可以原个大口品尝之外，仲可以用汤匙一更更咁食中间嘅布甸，个人就比较喜欢冻食，布甸滑溜嘅口感简直令人回味呀。
既然买左法式布甸面包，都顺便买埋其他野食俾屋企嘅化骨龙。平时真系无留意店铺系有沙翁，家人好喜欢食，就买返去试下。
沙翁外层沾满砂糖，大约有一个拳头嘅大小，食落外脆内柔软，气泡多，口感轻盈，蛋味浓郁。
粒粒提子卷：提子卷非常大个，口感软熟，啖啖粒粒提子干，香甜滋味散发阵阵果香，令人一啖一啖食过不停。
甜鸡批：
卖相呈金黄色嘅鸡批，外皮酥香，够松化，中间包住白汁鸡肉，非常creamy，鸡肉份量亦都刚刚好，食起黎唔会太油腻，值得一赞。
迷你卷蛋：
我一直都好喜欢本店嘅卷蛋，所谓嘅「迷你卷蛋」一d 都唔迷你，原味卷蛋蛋味香浓，忌廉份量适中，入口非常滑溜，配合蛋榚湿软嘅口感，整体味道唔会太甜，无咩肥腻感。
张贴
