茶木‧台式休閒餐廳 (荃新天地)

营业中

休息中

茶木耐不耐就有新野推出，朋友话想试新个款蜜糖吐司，咁放左工就黎试下佢。荃湾店都食过几次，最入呢个房仔好受欢迎，次次黎到都有人坐紧，呵呵，今晚终于霰到啦，啲位濶啲又静啲，啱晒倾偈呀。朋友叫左古早红烧牛肉拌面，卖相又几靓㖞，记得之前食过唔系咁上㗎。面条份量都几多，用卤水汁伴过咸咸地几好味㖞，拌碟仲有溏心蛋，鸭血同豆腐。牛展好入味，个汁甜甜地嘅，下层的萝卜吸饱汁好正。自己点左阿嬷手作葱油面，卖相都唔错。干葱混了菇菇丝，双重口感爽爽的好得意，面条好弹牙㖞，掞了葱油好香口，呢个要衬热食，冻左啲油会鲸埋一齐。好钟意食溏心蛋又加左一份，只只都流心㗎，正～朋友话要试埋个特饮脆脆黑糖瀑布珍珠奶茶，卖相超掂！奶泡又厚又滑，虽然话黑糖珍珠，但又唔过甜㖞，好饮～个脆脆似系榛子酱同阿华田（?），好好味咬哂黎食，哈哈。最后就系今晚嘅主角青苹果牛油果蜜糖吐司，哗哗～好靓呀～打卡打卡！衬个雪糕未瀜，快快影多几张先。吐司香脆又甜美，个cream好厚实正呀，超满足～三层多士劲饱，哈哈。唯独觉得个两片牛油果同甜品唔多衬，牛油果都系习惯咸食。