燒烤堂

营业中

休息中

不嬲性价比超高, 质素又好好嘅烧烤堂原来而家荃湾都有新店喇！环境仲好宽敞新净好好坐, 啱大班人嘅大枱又有！装修以木系为主, 充满日式风情, 餐厅座位间隔又宽阔, 感觉非常舒适☺️有食过嘅都知望住烧烤堂嘅menu, 真系随便放题式咁叫都得㗎喇！每串又唔系贵, 亦冇伏嘅机会！特别推荐几样啦😆 包括烧广岛蚝, 蚝肉真系好鲜甜多汁, 配上蒜蓉酱汁, 真系wow咗一声！柠蜜多士外脆内软, 热辣辣即烧起, 上面嘅牛油融融哋, 入面又有芝士粒, 邪恶之选！但柠檬香气配上蜜糖, 甜而不腻～ 鸡软骨月见棒必叫啦, 口感爽脆, 配上生蛋黄真系冇得输～ 豚肉苹果串配搭有惊喜酸甜开胃😋 牛魔当然都要食和牛、牛舌拖罗～ 豚肉栉瓜波枝糖亦非常特别, 仲好打卡-able🤣荃湾人又多个好选择呀！