影片
更多
2022-08-27
1625 浏览
依度除咗配菜之外，食客仲可以喺自助区攞前菜、寿司、甜品，饮品方面亦有好多唔同选择！唯一唔方便嘅位系主菜要向侍应落单，但小编钟意慢慢渌所以都还好~晚市特级牛肉放题 每人$219 （平日）晚市开返堂食当然要捧下场~放题种类都有好多款，价钱越贵就越多主菜选择，今次介绍嘅依个系第二平🤓汤底：小编同朋友分别拣咗麻辣鸭血汤同埋数量有限嘅博多美人骨胶原啫喱鸡白汤。麻辣汤底一滚咗就闻到劲香嘅花椒八角味！食落就比想像中辣，小编自问都算ok食得辣，但系食无几耐都feel到好麻，所以建议唔太食得辣嘅朋友唔好乱试🤣鸭血有三大旧，每旧都𠝹开咗一半，所以都方便夹嚟食。鸡白汤就相对较清同养生，啱哂唔钟意重口味嘅人士，嘢食摆喺入面滚完之后食落都清清甜甜，所以都值得一试。𩠌菜：依款放题除咗有特级同精选牛肉之外，仲有鸡肉同猪肉👍个人感觉鸡肉唔太入汤底味，所以嚟咗第一轮之后都无加嗌。其他肉片都切得几薄，所以唔会话好滞！值得一提嘅系可以见到开放式厨房入面有职员用机器新鲜切割牛肉片，都几特别~ 其他配菜就可以向右滑睇图🤓小食：日式火锅放题唔少得各种寿司、中华沙律同埋蒜味螺肉。寿司会定时fill所以都唔怕唔新鲜~依度仲提供埋泡菜
晚市特级牛肉放题 每人$219 （平日）
晚市开返堂食当然要捧下场~放题种类都有好多款，价钱越贵就越多主菜选择，今次介绍嘅依个系第二平🤓
汤底：小编同朋友分别拣咗麻辣鸭血汤同埋数量有限嘅博多美人骨胶原啫喱鸡白汤。麻辣汤底一滚咗就闻到劲香嘅花椒八角味！食落就比想像中辣，小编自问都算ok食得辣，但系食无几耐都feel到好麻，所以建议唔太食得辣嘅朋友唔好乱试🤣鸭血有三大旧，每旧都𠝹开咗一半，所以都方便夹嚟食。鸡白汤就相对较清同养生，啱哂唔钟意重口味嘅人士，嘢食摆喺入面滚完之后食落都清清甜甜，所以都值得一试。
𩠌菜：依款放题除咗有特级同精选牛肉之外，仲有鸡肉同猪肉👍个人感觉鸡肉唔太入汤底味，所以嚟咗第一轮之后都无加嗌。其他肉片都切得几薄，所以唔会话好滞！值得一提嘅系可以见到开放式厨房入面有职员用机器新鲜切割牛肉片，都几特别~ 其他配菜就可以向右滑睇图🤓
小食：日式火锅放题唔少得各种寿司、中华沙律同埋蒜味螺肉。寿司会定时fill所以都唔怕唔新鲜~依度仲提供埋泡菜🤣另外都有啲蔬菜粒，如果食到有啲滞，都可以攞啲食。
甜品/饮品：最推荐嘅系乳酪雪糕🤤之前食嘅放题铺有啲质地系好水嘅，但系呢间嘅乳酪雪糕就无依个问题！如果嫌斋乳酪雪糕太dry，仲可以试吓混合其他雪糕一齐唧~当晚提供嘅系芋头味，但系就略嫌无咩味喇。第二推荐系朱古力味泡芙，啲cream rich得嚟又唔会好heavy，食多几粒都唔怕滞。饮品就自己添饮，个人认为苹果绿茶就咁饮有啲太甜，所以就沟咗啲梳打水，咁样饮落就会易入口啲！沙冰就唔太建议唔嗜甜嘅朋友试，因为真系十分甜🤣
饮品
49 浏览
0 赞好
0 留言
甜品
53 浏览
0 赞好
0 留言
寿司+小食
80 浏览
0 赞好
0 留言
配菜
52 浏览
0 赞好
0 留言
配菜
59 浏览
0 赞好
0 留言
肉类
52 浏览
0 赞好
0 留言
汤底
51 浏览
0 赞好
0 留言
张贴
