點點心點心專門店 (已搬遷) 新店位置

星期日一点几落黎呢度食野，估唔到好多人，未至于要等位，但真系几人黎几人走，D 人好快食完又走，好似好好生意咁。我地食左几样野，每样都好满意，系个菜肉虾饺，食落去系冻既，侍应好好，即刻冇话问长问短即刻帮我地换过，再蒸过笼俾我地，佢话可能师传睇错时间！后尾再黎0个笼当然好正常。菜肉虾饺-------我都系钟意食传统虾饺，佢虾唔系好多份量，入面好似杰TART TART 咁，唔系好大兴趣，但唔会话难食。迷李波萝饱-----好好味，好松软既波萝包！有吉士打0系人面，即系有少少似食奶黄包(唔系流沙0个只)热辣辣最0岩冬天食！虾米肠------好香，好多虾米，都大大份，抵食。皮蛋咸鸡粥-----咸左少少，但超多鸡件，份量十足，唔呃秤！咸左D 0者，但好惹味！咸鸡，咸应该系正常啦！烚菜-----我好钟意！因为我地平时一定叫人走油，但今次冇叫，但佢好清，冇乜油，但菜又好新鲜，唔淋！撞奶杏仁茶----杏仁茶当然好味，但撞唔撞到奶我就唔敢讲，看上去只似普通鲜奶杏仁茶，但都好好食！豆浆------好似好有豆味，唔知系用粉开定自己磨？好真噃！