周師傅點心 (已結業)

同朋友买完相机配件，唔想食饭咁饱滞就跟佢一齐扫下街。发现左呢间新潮嘅点心店。就同朋友入去叹返个一盅两件下午茶。铁观音茶：估唔到呢度系一盅盅茶咁送上，可以无限ＲＥＦＩＬ。第一转茶味唔出，等饮到第二三转就啱啱好了。HEA包： 以梳乎蛋造型而制嘅流心奶皇包，流心程度虽然唔算太劲爆，但都ＯＫ有黄油，蒸包都够软熟加上奶皇馅甜中带咸蛋香，味道几好。XO酱炒萝卜糕：萝卜糕做成啱啱好一口大小，有口感之余唔会咁容易吸油，所以食落够干身。配上ＸＯ酱嘅咸辣味道再加啲豆芽菜嘅爽脆，作功将一道早点食物变成一道小菜。辣椒酱炒肠粉：肠粉好烟韧，味道偏辣左少少同有啲咸。上枱时以为佢系韩式炒年糕，但食落系港式风味，都系适合加返少少海鲜酱同麻酱做返肠粉个味道最好。焗马拉糕：颜色上比平时见开嘅为浅，味道都差唔多但蛋香味更浓。因为系焗制而成，表面多左层焦脆口感。轻盈质感如果闭眼食，会觉得佢似鸡蛋糕多过马拉糕。粒粒咖啡奶冻：几钟意呢个奶冻，一黎咖啡味够浓香二黎质感较硬身，用筷子夹住黎食都无问题。加上黑白造型够刹食，睇得又食得。笼仔蒜茸蒸开边虾饭：蒜香味好正，尤其系钟意佢预先调好左个饭，唔加酱油已经好够蒜香及荷叶香味。加上饭粒烟