韓米Miso (啟田市場) (已結業)

今日行过蓝田启田邨，见到有间门面好光鲜的韩式外卖店。从menu上见到有传统拌饭及紫菜卷饭，亦都有新颖嘅韩式炸鸡套餐及其他炸物小食。好吸引之下就买咗韩式牛肉拌饭、泡菜煎饼及韭菜煎饼，同埋牛肉紫菜卷饭，加埋泡菜小碟带返屋企食。买满$80仲送咗一套韩米利是封畀我，好cute。牛肉拌饭包括芽菜、蛋丝、紫菜、萝卜丝、青瓜同埋香菇，捞埋牛肉食每一啖都有肉类及唔同蔬菜嘅味道，每一啖个感觉都好唔同，好有韩式风味。紫菜卷饭亦系好有特色嘅韩米食品，入面嘅材料新鲜，牛肉亦都好入味而且个卷饭亦都卷得好靓，绝对系打卡之选。两份烧饼都煎得好香口而且烟烟靭靭，泡菜就有少少微辣特别醒胃，韭菜就最啱韭菜控嘅我食。 有机会我一定会再黎试埋其他嘅韩国食品。