影片
更多
2015-09-30
7536 浏览
今日我黎坚尼地城呢边探下朋友顺便周围行下，点知玩下玩下又到左食饭时间，跟住就同佢落街睇下有咩食喇，之后过左无几耐就见到呢间潮福，之前系MK都有见到想试一直无去到，今日咁岩见到于是就即刻同朋友入去试下同睇下好唔好食。一入到门口，就看到浓浓的蒸气同埋闻到蒸海鲜味。之后我地就开左个靓位，一坐低就见到个好似粗绳帽咁嘅野，真系好鬼新奇。之后我就食住花生坐定定睇下餐牌有咩食咁，点知一睇发现原来都真系几多野食下，有好多款海鲜，肉或者青菜，真系令人花多眼乱。跟住朋友同我就发挥左我地大胃王嘅本色，叫左好多唔同类型嘅肉同海鲜，再加埋个细嘅排骨粥底。等左无耐，首先系个粥底黎先，侍应将所有材料放入煲底，不过呢度有样野好特别嘅就系餐厅一开始系唔会加入去架，倒晒啲材料入去之后侍应就开了蒸气炉，当蒸气炉预备好可以开始煮我们的晚餐时粗绳帽就会透出一些蒸气，就好似话俾我地听I am ready一样。跟住职员就将我地嘅第一味海鲜(钮西兰钻石蚬)放左入去蒸，跟住过左一阵就蒸好了，当一打开粗绳帽，就见到只只蚬都开晒盖，之后放入口时完全食得出蚬果种鲜味，根本完全唔需要点其他调味料，净系食佢本身个味都已经好足够。系我地食紧嘅同时
一入到门口，就看到浓浓的蒸气同埋闻到蒸海鲜味。
之后我地就开左个靓位，一坐低就见到个好似粗绳帽咁嘅野，真系好鬼新奇。
之后我就食住花生坐定定睇下餐牌有咩食咁，点知一睇发现原来都真系几多野食下，有好多款海鲜，肉或者青菜，真系令人花多眼乱。跟住朋友同我就发挥左我地大胃王嘅本色，叫左好多唔同类型嘅肉同海鲜，再加埋个细嘅排骨粥底。
等左无耐，首先系个粥底黎先，侍应将所有材料放入煲底，不过呢度有样野好特别嘅就系餐厅一开始系唔会加入去架，倒晒啲材料入去之后侍应就开了蒸气炉，当蒸气炉预备好可以开始煮我们的晚餐时粗绳帽就会透出一些蒸气，就好似话俾我地听I am ready一样。
跟住职员就将我地嘅第一味海鲜(钮西兰钻石蚬)放左入去蒸，跟住过左一阵就蒸好了，当一打开粗绳帽，就见到只只蚬都开晒盖，之后放入口时完全食得出蚬果种鲜味，根本完全唔需要点其他调味料，净系食佢本身个味都已经好足够。
系我地食紧嘅同时侍应亦将我地嘅钮西兰蛏子王放左入去蒸， 一如头先上枱嘅情况，钮西兰蛏子王入口真系好鲜甜，肉质亦都够晒弹牙。
食左两味海鲜，我地转左下口味，叫侍应帮我们先蒸和牛，我们原本以为都一样粗绳帽盖住，点知职员话唔需要，见佢个纯熟嘅手法真系好快就整好左啲和牛，跟住和牛未入口都闻到果阵牛肉香味，之后一入口就食到浓浓的牛肉味，但又唔会过熟，软身之余又唔会咬唔开。
食完个咁鲜嫩嘅和牛之后，我地就继续海鲜之旅，今次就轮到龙虾，侍应好悉心咁系龙虾蒸完后放到我嘅碟上边，龙虾入口啖啖肉，而且由于龙虾伴有一点蒜蓉，跟住小小的蒜蓉味令龙虾更为惹味。
之后呢个蒜蓉肉蟹蒸糯米饭真系好特别，真系第一次见到咁样去蒸糯米饭，蒸左大约8分钟左右就出炉喇，糯米饭吸晒蟹嘅精华，又香，味道又够浓。蟹肉又唔会太老，依然十分嫩滑。
食晒所有野之后你以为今餐已经完左? 其实未架，下面之前落嘅料已经变一煲好鲜甜嘅粥，因为佢集合晒所有我地今晚食过海鲜同肉嘅精华，因为佢地蒸嘅过程流出黎嘅「汗」完全入晒粥里面，所以呢煲弼又甜又绵，真系超正架。。。今日黎试呢个蒸海鲜真系比我想像中更新颖，更好味，希望下次再黎佢会有更多唔同嘅菜款喇~~~~
张贴
