匠心燒味 (已結業)

以前都会经常嚟呢头买𩠌，咁啱见到有间舖咁多人，就过去睇下，原来系新开嘅烧味店，就买咗几款返去妈咪度加𩠌✨烧肉～用上五花肉整成嘅肉质滑溜，亦够入味，外卖返嚟，个皮依然脆卜卜✨片皮鸭～第一次喺烧味档见到片皮鸭，配料有京葱同埋青瓜，酱汁比较希身但系都够味。质素唔可以同北京菜嘅相比，始终系港式风味，块皮就类似春卷皮咁，薄薄地，食落口感都几得意，包埋一齐，味道都唔错。✨烧鹅下庄～钟意食下庄，因为有鹅髀位，今次都冇失望，皮脆香嫩，沾上酸梅酱食，酸酸甜甜，俾爸爸送啤酒一流👍