Boon (已搬遷) 新店位置

之前听朋友介绍过，知道观塘开咗间新嘅法国新派餐厅叫Boon，d菜式既有法国传统又用咗新派煮法，所以今次专诚去试下。前菜点左明太子酱薯条，汤就拣咗龙虾汤，主菜就拣左油封鸭腿伴紫菜薯蓉太阳蛋，饮品就order咗杂莓乳酪冰沙同埋朱古力奶泡。炸薯条配明太子酱之前未食过，估唔到原来个味道可以咁夹，薯条热辣辣加埋特制嘅明太子酱零舍醒胃。龙虾汤就好有法国格调，配上一条长长嘅法包，龙虾汤嘅鲜味绝对啱香港人口味。油封鸭腿系用慢煮嘅关系，所以鸭腿d肉好淋而且好入味，配上法国酱汁，食到停唔到口，而紫菜薯蓉就令薯蓉嘅层次带出多重，因为每一啖都有紫菜嘅味道。两杯饮品绝对系解暑解渴之选，特别系杂莓沙冰入面嘅莓果，材料充足每一啖都有杂莓嘅味道同埋果蓉。最后一提呢度嘅环境畀人一种好relax好放松嘅感觉，而且每一样食品嘅上碟及摆盘都好靓绝对系打卡之选。